கிரிக்கெட் வீரர் ஸ்ரீகாந்த் கேரக்டரில் நடிகர் ஜீவா!

உலகக் கோப்பை கிரிக்கெட்டை மையமாக வைத்து உருவாகி வரும் படத்தில் கிரிக்கெட் வீரர் ஸ்ரீகாந்த் கேரக்டரில் நடிகர் ஜீவா நடிக்கவுள்ளாராம்.

உலகக் கோப்பை கிரிக்கெட்டை மையமாக வைத்து உருவாகி வரும் படத்தில் கிரிக்கெட் வீரர் ஸ்ரீகாந்த் கேரக்டரில் நடிகர் ஜீவா நடிக்கவுள்ளாராம். 

கடந்த 1983ஆம் ஆண்டு நடந்த உலகக்கோப்பை கிரிக்கெட் போட்டியில் இந்திய கிரிக்கெட் அணி முதன்முறையாக சாம்பியன் பட்டம் வென்றது. கபில்தேவ் தலைமையில் பெற்ற இந்த கோப்பையை மையமாக வைத்து ‘83’ என்ற திரைப்படம் பாலிவுட்டில் உருவாகி வருகிறது. இந்தப் படத்தை கபீர் கான் இயக்கி வருகிறார். 

இந்த படத்தில் கபில்தேவ் கேரக்டரில் ரன்வீர்சிங் நடிக்கிறார். இந்த படத்தில் நடிக்கும் மற்ற நட்சத்திரங்களின் தேர்வு நடைபெற்று வருகிறது. இந்நிலையில் உலகக்கோப்பையை வென்ற இந்திய அணியில் முக்கிய பேட்ஸ்மேனாக இருந்த கிருஷ்ணமாச்சாரி ஸ்ரீகாந்த் கேரக்டரில் நடிக்க நடிகர் ஜீவாவிடம் பேச்சுவார்த்தை நடந்து வருகிறது. முன்னதாக இந்த கேரக்டரில் நடிக்க விஜய் தேவரகொண்டாவிடம் பேச்சுவார்த்தை நடத்தப்பட்டது என்பது குறிப்பிடத்தக்கது. இந்த படம் இந்த ஆண்டு ஆகஸ்ட் மாதம் திரைக்கு வரவுள்ளது.